Како што известуваат од боречкиот клуб, Шкупи блескаше во Полска, со освоени три златни и еден бронзен медал.

На овој меѓународен турнир, со учество од многу европски земји и вкупно 564 регистрирани натпреварувачи, младите борачи на Шкупи донесоа одлични резултати.

Со злато се закитија Јусуф Заими, Бамир Сејфулау у Ануар Џемаили, додека Харун Мемеди освои бронза.

Мемеди во полуфиналето беше поразен од шампионот на Дагестан, Сахид Орамов, по извонредна и многу силна борба, но успеа да го обезбеди медалот и третото место.

Овие медали се награда за посветеноста и напорната работа. Боречкиот клуб Шкупи ги гради шампионите на иднината и го крева името на Шкупи на меѓународната сцена.