Фудбалерите на Барселона со убедлив триумф од 5:1 над Викторија Плзењ ја започна сезоната во Лигата на шампионите, а Роберт Левандовски одигра уште еден фантастичен натпревар постигнајќи хет-трик, што го воодушеви тренерот Чави Ернандез.

Барселона за Левандовски му плати 50 милиони евра на Баерн Минхен, а Полјакот уште од самиот старт на сезоната ги оправдува вложените средства.

– Никогаш не се сомневавме во Левадовски, тој е прекрасна личност и е одличен соиграч и вистински победник. Но, исто така важно е и како играат останатите фудбалери покрај него. Не знам дали е најдобар напаѓач во Евтопа, но за нас сигурнно е тоа. Има многу решенија во нападот, против Викторија Плзењ даде три гола, но играше и за екипата – вели Чави.

Барселона има одличен старт на сезоната откако летово плати 153 милиони евра за Левандовски, Жил Кунде и Рафиња, а како слободни играчи ги донесе Френк Кеси, Андреас Крстенсен и Микел Алонсо. Каталонците по четири кола во Ла Лига имаат 10 бода и се веднаш зад Реал Мадрид кој има перфектен старт на сезоната.

– Победите ни ги креваат самодовербата и моралот. Играчите си заминаа од „Камп Ноу“ знаејќи дека одиграа одлично, но нема место за еуфорија. Ова беше само еден натпревар и мора да продолжиме вака и понатаму – додава Чави.