Српската фолк-пејачка Светлана Цеца Ражнатовиќ денеска стана баба по вторпат. Имено, нејзиниот син Вељко и снаата Богдана станаа родители на уште едно машко дете, кое го доби името Крстан. Првиот син на Вељко и Богдана се вика Жељко, а името го доби по покојниот дедо Жељко Ражнатовиќ Аркан.

Цеца пресреќна излегла од приватната клиника во која се породила нејзината снаа. Ги раширила рацете од среќа кога ја напуштила болницата.

„Речиси 4.200 грама, 54 долг. Убав, крупен, најубав! Како можам да се чувствувам, можам да полетам. Многу сум среќна, ова е благослов од Бога. На денешен ден е роден и мојот покоен сопруг, денеска Крстан. Нека му е со среќа. Вториот ден од Велигден. Сѐ убаво што можеше да се случи, се случи“, рекла Цеца за српски „Блиц“ и додала:

„Жељко знае дека треба да му се роди брат, но сега не знаеше дека е роден. Јас сум толку возбудена. Богдана е супер, му благодарам на Господ. Не обрнував внимание на Вељко, гледав како јас ќе преживеам. На крајот на краиштата, ова е секако породување, интервенција, секако дека е стресно, но убаво е, сѐ е супер.“

Цеца рекла и дека големата прослава по повод раѓањето на вториот внук ќе се одвива дома кај неа.