В недела од 18.00 часот во Атина, Грција, ќе се игра првиот натпревар од финалето во ЕХФ Европскиот куп помеѓу АЕК и Алкалоид.

Пласманот во финалето на Алкалоид во европското клупско натпреварување е голем успех за клубот, но и за целиот македонски ракомет.

Тренерот Кирил Лазаров пред финалето вели дека против АЕК ќе биде тешко, но не и невозможно.

Неговиот колега на спротивната страна, францускиот стратег Фредерик Бужон го почитува тимот од Автокоманда:

– Никогаш не зборувам за противниците. Алкалоид е многу добар тим, ја гледавме целата нивна сезона многу, многу сериозно. Имаме 18 играчи подготвени за игра. Ако нашиот тим е добро формиран, ќе можеме да постигнеме гол на секоја позиција. Нашите навивачи се неверојатни, тие ќе играат клучна улога во првиот натпревар. Не се сомневам во тоа. Потоа ќе мора да се спротивставиме на атмосферата во Скопје, но чекор по чекор – вели Бужон во интевјуто за Европската ракометна федерација (ЕХФ).