Во новиот филм, психолошката драма „Die, My Love“, Џенифер Лоренс ја толкува улогата на жена која се справува со постпородилна депресија и се бори со зголемена психичка нестабилност.

Филмот го режираше шкотската режисерка Лин Ремзи, премиерата му беше во саботата, а публиката реагираше многу бурно на врвната глума на Џенифер Лоренс, која го толкува главниот лик.

Како што пишува „Варајети“, додека овациите одекнуваа во салата, Лин Ремзи го запре аплаузот на публиката со зборовите: „Толку сум преплавена од емоции. Им благодарам на неверојатните актери. Морам да се приберам, се гледаме наскоро.“

Режисерката Лин Ремзи е веќе добро познато име на фестивалот во Кан. Нејзиниот филм „Ловец на стаорци“ од 1999 година премиерно се претстави во категоријата „Un Certain Regard“, а подоцна ја освои наградата БАФТА за најдобро деби од британски сценарист, режисер или продуцент.

„Die, My Love“ е драма што ја прикажува емоционалната и психолошката борба на главниот лик што го игра Џенифер Лоренс. Таа портретира жена која се справува со постпородилна депресија и се бори со зголемена психолошка нестабилност.

Роберт Патинсон го игра нејзиниот сопруг, а нивната нефункционална врска е прикажана преку низа интензивни сцени.

Сцените со самодеструктивно однесување на главниот лик, вклучувајќи удирање на главата од стакло, скокање низ стаклени површини и гребење на ѕидови, предизвикаа бурни реакции кај гледачите.

 

View this post on Instagram

 

A post shared by Letterboxd (@letterboxd)