Холандската фудбалска федерација ги извести сите екипи од Ередивизијата да почнат да се подготвуваат за продолжување на сезоната и го одреди стартот на идното коло, 19. јуни.

Главен услов за да продолжи првенството е холандската Влада да даде зелено светло, но фудбалските екипи се против фиксниот датум во време кога во државата има 19.500 заразени и преку 2.000 полинати лица од короновирусот.

Главни бунтовници се гигантите Ајакс, ПСВ Ајндховен и АЗ Алкмар кои го кренаа гласот против оваа идеја на видео состанокот со Холандската федерација.

Останатите 8-9 кола според планот на Федерацијата е да се одиграат помеѓу 19 јуни и 31 јули, а во наредната сезона која би започнала кон крајот на август нема да има пауза за време на божиќните и новогодишните празници.