Многу Бугари ги избираат јајцата според цената, а не според потеклото. Бугарските земјоделски производители редовно се жалат на конкуренцијата на увезената стока, а живинарите долги години се меѓу најнезадоволните.

Порано главно мета беа евтините полски јајца, сега главна мета се украинските јајца. Впрочем, од Романија и од Литванија доаѓаат доста јајца – тоа лесно се гледа по ознаките на лушпите, каде бугарските се означени со БГ, а увезените – со РО, УА итн. според земјата на производство.

Непосредно пред Советот на ЕУ за земјоделство во Брисел, свикан на 27 мај, бугарските живинарски фарми повторно го кренаа својот глас против конкуренцијата и побараа забрана за увоз на украински јајца.

Ресорниот министер Георги Тахов замина на средба со колегите од ЕУ со „апел“ – да се активираат европските мерки за заштита на бугарските земјоделски производители поради „интензивниот увоз на свежи пилешки јајца од Украина од почетокот на годинава“, пишува „Сега.бг.њус“.

Конкуренцијата значи дека потрошувачите имаат избор помеѓу различни цени, квалитет, потекло, рок на употреба.Традиционално, кампањите против „опасниот“ увоз се најгласни околу Велигден. Неодамна Здружението на индустриска живина алармираше дека во бугарските живинарски фарми се заменуваат документи и етикети на храна од увоз.