Бритни Спирс се разведе! Пејачката официјалнo стана слободна на нејзиниот 43. роденден
Бритни Спирс денеска го слави својот 43. роденден, а покрај тоа и бележи уште една промена во нејзиниот живот.
Препорачано
Имено, поп-пејачката од денеска е официјално слободна, седум месеци откако започна процесот за развод од Сем Асгари. Според новите документи до кои дојде „ТМЗ“, разводот на Бритни со Сем Асгари e финализиран денеска, на 2 декември.
Сем Асгари, кој беше и личен тренер на Бритни Спирс, поднесе барање за развод во август 2023 година, а од бракот си отиде со празни џебови затоа што потпиша „железен“ предбрачен договор во корист на пејачката.
Спирс и Асгари се запознаа на снимањето на нејзиниот спот „Slumber Party“ во октомври 2016 година, а се верија во септември 2021 година. Откако судијата во Лос Анџелес стави крај на тринаесетгодишниот надзор врз Спирс, во ноември 2021 година пејачката се омажи во нејзиниот дом во јуни 2022 година пред познатите гости, меѓу кои беа Мадона, Парис Хилтон, Дру Баримор и Селена Гомез.
Инаку, Асгари беше трет сопруг на познатата пејачка. Спирс стапна на лудиот камен двапати претходно, кога неславно побегна со нејзиниот пријател од детството Џејсон Александар во јануари 2004 година за време на пијана ноќ во Лас Вегас, за да го поништи бракот 55 часа подоцна. Спирс повторно кажа „да“ на поранешниот резервен танчер од нејзината придружба – Кевин Федерлајн, по бурна романса. Од бракот тие ги добија двата сина, Шон Престон и Џејден Џејмс, пред да се разведат во јули 2007 година.
