Британскиот музеј е најпосетувана атракција во Велика Британија во 2024 година
Најпосетувана атракција во Велика Британија втора година по ред, според официјалните податоци е Британскиот музеј.
Препорачано
Познатиот лондонски музеј забележал 6.479.952 посетители во 2024 година, што претставува зголемување од 11 отсто во однос на бројките во 2023 година.
Добри вести пристигнуваат и од Природонаучниот музеј во главниот град, кој имаше 11 отсто зголемување во однос на 2023 или вкупно 6.301.972 посетители, освојувајќи го второто место.
Според „Алва“ (Асоцијација на водечки туристички атракции), севкупно, најпопуларните атракции во Велика Британија забележуваат пораст од 3,4 отсто во бројот на посетители од година во година.
Вкупниот број на посетители според „Алва“ во 2024 година бил 157,2 милиони, но сепак во однос на 2019 кога се евидентирани 169,7 милиони посетители, е забележан пад од 8,8 отсто.
Големиот парк Виндзор (дел од имотот на Краун) беше најпосетуваната атракција на отворено, пречекувајќи 5.670.430 посетители минатата година, што претставува зголемување од 3 отсто во однос на 2023 година и го зазеде третото место.
Директорот на „Алва“, Бернард Доногју, изјави дека минатата година била „година на стабилен, но незначителен раст“, наведувајќи го „долгото економско закрепнување“ од „Ковид“ и „ефектите од кризата на трошоците за живот“, пренесува „BBC“.
Според последните податоци, едни од најпосетените места во Велика Британија за 2024 година се:
Британски музеј (6.479.952 посетители)
Природонаучен музеј (6.301.972 посетители)
Големиот парк Виндзор (5.670.430 посетители)
Тејт Модерн (4.603.205 посетители)
Саутбанк центар (3.734.075 посетители)
Национална галерија (3.203.451 посетители)
Сомерсетска палата (3.074.736 посетители)
Лондонската кула (2.902.385 посетители)
Научен музеј (2,827, 242 посетители)
Националниот музеј на Шкотска (2.314.974 посетители)
Кралските ботанички градини во Кју (2.273.976 посетители)
Кралски музеј Гринич (2.255.753 посетители)
Национална галерија Шкотска (1.999.196 посетители)
Замокот Единбург (1.981.152 посетители)
Ројал Алберт Хол (1.753, 371 посетители)
Вестминстерската опатија (1.717.296 посетители)
