Британец е застрелан во вила во парохијата Сент Џејмс во Јамајка. Шон Патерсон (33), личен тренер од западен Лондон, бил пронајден со прострелни рани на горниот дел од телото и главата во Бог Хил, соопшти полицијата.

Властите на Јамајка соопштија дека полицијата во Монтего Беј добиле пријави дека Патерсон стоел покрај базенот на гостинската куќа каде што престојувал кога очевидците слушнале „силни експлозии“.

Патерсон бил однесен во болница, но веќе било доцна. Според локалните медиуми, 34-годишен маж е приведен.

Извештаите велат дека на Патерсон му пришол човек со пиштол кој го бркал и го застрелал неколку пати додека стоел покрај базен во вила.

Локалните медиуми објавија дека пријател на Патерсон рекол дека тој пристигнал на островот од Лондон на 29 декември. Медиумите пишуваат дека тој поминал три дена во популарниот станбен комплекс во Фрипорт, пред да резервира во вилата каде бил убиен.

Се наведува дека 34-годишниот осомничен, за кој се вели дека е од Кингстон, наводно бил депортиран од Англија во 2013 година.

Канцеларијата за надворешни работи, Комонвелт и развој соопшти дека „го поддржува семејството на Британецот кој почина во Јамајка и е во контакт со локалните власти“.