Денеска во 22 коло од Втората македонска фудбалска лига екипата на Македонија ЃП ремизираше без голови (0:0) на гости против Осогово, а мируваа и мрежите на натпреварот Победа – Башкими.

Брегалница со головите на Попоски во 15 и Чилафи во 57 минута славеше на гостувањето кај Кожуф Гевгелија.

Клубот од Штип по оваа победа се на третото место со 47 бодови, сега само два помалку зад водечките Македонија ЃП и Башкими.

Во другите мечеви: Скопје – Борец 2:1, Новаци – Охрид 2:1, Саса – Беласица 1:2 и Вардар Неготино – Детонит Плачковица 0:0.

Еден меч не го доживеа својот крај, Вардарски – Арсими, истиот беше прекинат при водство на гостите од 2:1 поради лошите временски услови и поплавениот терен.

Од ФК Арсими информираа дека домаќините не можеа да гарантираа услови да се одигра натпреварот и дека истиот ќе продолжи во следниот термин од 46 минута со споменатиот резултат.