Американскиот актер Бредли Купер, освен глумата, многу ја сака и гастрономијата во која реши и професионално да се испроба во последните денови од оваа година.

Имено, тој го отвори ресторанот „Дени енд Куп“ (Danny&Coop) во Њујорк, а концептот на ресторанот е таков што нуди само едно јадење. Тоа е „фили чизстек“ – сендвич со тенко исечено печено говедско месо, кромид и стопено сирење.

Инаку, зад името на ресторанот стојат две имиња – Дени ДиЏиампиетро и Бредли Купер. ДиЏиампиетро е сопственик и на познатата пицерија „Анџелос“ во Филаделфија. Ова не е нивна прва соработка – тие беа атракција и минатата зима, кога организираа настан во приколка за храна во Њујорк. Тие на улица го подготвија познатиот чизфтек, а собраните пари ги донираа во хуманитарни цели.

 

View this post on Instagram

 

A post shared by Mike Chau (@mikejchau)

„Стигнав пред ресторанот час и петнаесет минути пред отворањето, на улицата веќе имаше ред. Како и секој друг ресторан на Менхетен, местото е мало и преполно, како да сте во ноќен клуб. Но, луѓето брзо ги добиваа своите нарачки, а Бредли лично ги подготвуваше и ги поздравуваше клиентите“, бил еден од коментарите на социјалните мрежи за сендвичот од 17 долари.

Овој сендвич од Филаделфија е создаден во 1930-тите на уличен киоск, кога браќата Пет и Хари Оливиери, кои продаваа виршли, решија да си играат со тенко исечени стекови и да ги додадат во лепче. Подоцна, во смесата беше додадено и топено сирење, а сендвичот на крајот стана туристичка атракција.

ФОТО | Бредли Купер и Џиџи Хадид страсно се бакнуваат на јахта во Италија