Бред Пит и Џенифер Анистон се венчаа пред 23 години, а по пет години нивниот брак се распадна бидејќи тој ја запозна Анџелина Џоли и започна врска и брак со неа. За време на 12 години врска и брак со познатата холивудска актерка, Бред никогаш не одговарал на прашања за Џенифер.

И покрај сѐ, Бред и Џенифер до ден денес останаа во добри односи и признаа дека одржуваат контакт. Сепак, шпекулациите за можно помирување започнаа откако се дозна дека Пит наводно на својата поранешна сопруга ѝ подарил замок вреден 79 милиони долари за нејзиниот 50-ти роденден, пишува „Мирор“.

Целиот гест сам по себе е интересен, особено поради тоа што тие живееле заедно во таа вила додека биле во брак. Во меѓувреме, Џенифер беше во брак со Џастин Теру, но оваа љубов заврши по само две години.