Среброто беше сигурно, но македонскиот кикбоксер Бобан Илиоски немаше намера да запре, и со сите сили одеше по златото на Светското првенство во Португалија.

Нашиот натпреварувач во својата категорија до 86 килограми лоу кик во финалето за златниот медал го совлада Нубрек Уришбоев од Узбекистан со резултат 3:0.

Претходно на патот до финалната борба Илиоски триумфираше и против Алберт Угринчиќ од Босна и Херцеговина со 3:0 во четвртфиналето, а во полуфиналната фаза го совлада Азербејџанецот Елјан Алкишијев (3:0).

Инаку Светското првенство во кик-бокс се одржува во периодот од 18 до 26 ноември.

На овој голем настан учествуваат вкупно 1752 борци од 78 држави.