Брачен пар ја реновирал куќата стара 400 години, па пронашол скриено богатство
Брачен пар од Дорсет, Англија, доживеал големо изненадување кога решил да ја реновира кујната во својата селска куќа.
Препорачано
Беки и Роберт Фукс, во обид да ја зголемат висината на таванот, го отстраниле бетонскиот под и откриле тајна скриена повеќе од 400 години, објавува „Мирор“.
Неверојатната приказна е актуелизирана одново и одново на мрежите, а локалните медиуми ги емитувале зборовите на Беки Фокс.
– Куќата е стара повеќе од 400 години, па затоа имаше многу работа. Ги поправивме камените ѕидови и решивме да го спуштиме подот за да добиеме повеќе простор – објаснила таа.
Една вечер, додека била со децата, нејзиниот сопруг Роберт, земјоделски инженер, го бришел подот во кујната и ја повикал да погледне што открил.
– Ми рече да донесам кофа, бидејќи нашол нешто. Ја наполнивме со стари монети! Да не бевме одлучиле да ја зголемиме висината на собата, тие сè уште ќе беа таму – додала таа.
Следниот ден, Беки ги прегледала златните и сребрените монети и сфатила колку се стари.
„Датумот беше јасно видлив на нив. Некои од златните монети беа чисти и лесно можев да ги идентификувам“, открила таа.
Historical coin hoard found buried under Dorset cottage https://t.co/PGXS0WkLBB pic.twitter.com/l1HBHRRFpC
— Lisa Anzinger (@Li50307) April 22, 2024
Според информациите од Британскиот музеј, монетите веројатно биле закопани на почетокот на Англиската граѓанска војна (1642-1651) од страна на земјопоседник кој се обидувал да го зачува своето богатство.
Колекцијата од најмалку 1.000 монети, пронајдена од Фучсе во октомври 2019 година, вклучувала примероци со ликовите на кралевите Џејмс Први и Чарлс Први, како и сребрени шилинзи на Елизабета Прва.
Само среќата ги навела Беки и Роберт да го пронајдат ова богатство од минатото. Поранешните сопственици на куќата го отстраниле и подот, но не отишле премногу длабоко.
– Монетите беа 25 сантиметри пониско – истакнала таа.
Колекцијата била продадена во 2024 година на аукција во Дорчестер за двојно повисока цена од највисоката проценка. Брачниот пат Фукс добиле 60.000 фунти со кои планирале да ја отплатат хипотеката на куќата.
