Бошњаковски: Законот за знамиња важи за сите

Фото: МИА

Се што е утврдено во Законот за употреба на знамињата треба да го почитуваат сите, изјави денеска владиниот портпарол Миле Бошњаковски.

По настанот во Охрид кога на Самоиловата тврдина беше поставено големо албанско знаме од страна на фолклорна група за што беше изречена и судска казна, Бошњаковски рече дека Владата не коментира судски одлуки.

– Таму веќе имаме првична судска одлука, Владата не коментира судски одлуки. Меѓутоа, штом судската одлука е таква каква што е очигледно дека постојат некои прекршувања на Законот за употреба на знамињата – рече Бошњаковски прашан за коментар на изјавата на вицепремиерот за европски прашања Бујар Османи дека според Законот, албанското знаме може да биде поставено каде било.

Како што дополни Бошњаковски секое прекшрување на Законот за употреба на знамињата се санкционира без разлика кое е знамето.

– Во државава имаме Закон за употреба на знамиња со јасни одредби, клаузули и членови. Секаде каде што е тоа дозволено е дозволено, тоа е закон за сите и треба го почитуваат без разлика за кои знамиња станува збор. Доколку има прекршувања на законот апсолутно дека следуваат санкции – рече Бошњаковски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот