По повеќечасовни разговори меѓу претставници на Србија и Косово со посредство на ЕУ, двете страни денеска не се договорија – Вучиќ ги прифати предлозите, додека Курти не, рече денеска шефот на европската дипломатија Жозеп Борел.

„Очекувам Косово веднаш да ги прекине следните фази на замена на регистарските таблички, а Белград да не издава нови таблички“, изјави високиот претставник на Европската унија за надворешна политика по разговорите што се одржаа денеска во Брисел, објави РСЕ.

„Ќе ги информирам моите колеги во Европската унија и меѓународните партнери за однесувањето на страните во разговорите и непочитувањето на меѓународните правни обврски, што особено се однесува на Косово. Тоа е особено негативен политички сигнал“, рече Борел.

Тој рече дека „ова не може да продолжи“.

„Очекуваме Вучиќ и Курти да покажат лидерство и да ја нормализираат ситуацијата“, изјави Борел, кој неколкупати повтори дека ескалацијата на ситуацијата на Косово мора да се спречи.

„Од кризна состојба преминуваме во кризна состојба, оваа итна средба се одржува само три месеци по последнатА средба и сега ситуацијата е уште полоша од август“, рече Борел.

Тој дополни дека во Косово има мисија на ЕУЛЕКС и КФОР, но дека тие не можат да ја преземат улогата на локалната полиција.

„Владеењето на правото не смее да служи како изговор за тензии и ескалации. Ако не се испочитуваат обврските што беа договорени пред многу години, во рамките на дијалогот, тоа не е добро. Европската унија и нејзините партнери постојано повикуваа на деескалација, но тоа не вроди со плод. На денешната средба разговаравме за одговорноста на лидерите и нивните должности брзо да ја деескалираат ситуацијата со цел повторно да има мир и стабилност и што е најважно – да се избегне криза со многу сериозни последици. „Од минатото лето бевме преокупирани со постојано управување со кризата и не можевме да се занимаваме со вистинското прашање, а тоа е нормализација на односите“, додаде Борел.

Тој смета дека причините за проблемот се далеку подлабоки од регистарските таблички.

„Многу јасно им кажав на двете страни дека не можеме да продолжиме вака. Очекувам Вучиќ и Курти да го решат спорот и да тргнат по европскиот пат. Сепак, по неколкучасовни разговори, двете страни денеска не се договорија за решение.Одговорноста за секое евентуално насилство што би можело да се случи на терен во наредните денови, мислам дека ќе лежи токму овие неуспешни разговори.

Тој додаде дека дијалогот ќе продолжи да биде меѓу неговите приоритети.

Се надевам дека двете страни ќе го исполнат тоа што го побарав за да се избегне нова опасна криза“, заклучи Борел.

Инаку пред изјавата на Борел, пред медиумите се обрати српскиот претседател Вучичќ кој соопшти дека не е постигнат договор со косовската страна денес на преговорите под медијаторство на ЕУ.

Како што рече, српската страна била потполно конструктивна, прифатила десетпати изменети текстови, но албанската страна не сакала ништо да прифати.

Вучиќ: Не успеавме да постигнеме договор, но прифатиме да не издавме таблици со назнаката КМ