Бојан Јовановски попознат како Боки-13 осуден во аферата „Рекет“, денеска повторно е спроведен од истражниот затвор „Скопје” до Јавното обвинителството, каде што поднесува десетина кривични пријави против четириесетина граѓани.

Јовановски преку соопштение на осум страници рачно напишано информира дека пријавите се однесуваат на носители на јавни функции, членови на нивни семејства, бизнисмени. Боки-13 во пријавите навдел дека тие треба да одговараат за кривичните дела злоупотреба на службена положба, измама, давање лажен исказ.

Неговиот адвокатот Сашко Дуковски изјави дека очекува по целосно документирање на случаите, Обвинителството да отвори предмети за поднесените кривични пријави.