Бојан Јовановски познат како Боки 13, кој е во притвор за случајот на ОЈО познат како „Рекет“, утринава е пренесен на скопските клиники. Според затворската управа тој е пренесен во болница на испитувања кои биле потребни по претходно закажан оперативен зафат.

Јовановски веќе втора недела е во истражниот затвор „Скопје“ крај населбата Шуто Оризари. Тој и неговиот пријател Зоран Милески, познат како Зоки Кичеец осомничени се за рекет од 1,5 милиони евра со ветување дека ќе влијае на истрага, преку влијание на јавен обвинител. Двајцата се осомничени за кривичното дело примање награда за противзаконито влијание, а Боки 13 е осомничен и за кривичното дело перење пари.