Поранешниот југословенски фудбалер, Звонимир Бобан повеќе не е функционер на УЕФА откако ја напушти позицијата поради несогласувања со претседателот Александар Чеферин.

Бобан беше шеф на фудбалот во УЕФА од 2021 година, а сега изненадувачки поднесе оставка. На таа позиција беше именуван токму по инсистирање на Чеферин со кого сега влезе во несогласувања и одлучи да си замине.

„Разговарав со претседателот на УЕФА за проблемот кој се случи на последниот состанок на извршниот одбор на УЕФА во Хамбург. Станува збор за измемните во статутот на УЕФА за Чеферин да има можност на следниот конгрес на 8. февруари одново да се кандидира за претседател и по овој мандат кој требаше да му биде последен. Откако изразив загриженост и јасно кажав дека не се согласувам со начинот и самиот предлог, претседателот ми одговори дека за него не постои ниту правен, ниту мораллно-етички проблем и без дилеми ќе продолжи со според мене лошата идеја“, објасни Бобан.

До измените на статутот еден претседател на УЕФА, но и луѓето во управниот одмор можеа да имаат најмногу три мандати, а исто така имаше и старосна граница до 70 години за сите членови во извршниот одбор. На последниот состанок, овие работи биле променети и тоа е главната причина за заминувањето на Бобан.

Заминувањето на Бобан беше потврдено и на официјалната страна на УЕФА.

„УЕФА сака да објави спогодбен раскин на соработката со Звонимир Бобан. Бобан се придружи на организацијата во 2021 година. Како шеф на фудбалот започна неколку важни проекти во техничкиот развој. УЕФА ја изразува својата благодарност на господинот Бобан за неговата служба и му посакува среќа во понатомошната кариера“, стои во објавата на УЕФА.