Италијанската модна куќа „Долче & Габана“ ја претстави новата колекција чевли, меѓу кои се најде и пар бизарни патики, кои многу наликуваат на ќесиња за ѓубре.

За само 995 евра, овие дизајнерски патики можат да бидат и ваши, но ќе мора да побрзате бидејќи повеќето броеви на официјалната веб-страница веќе се распродадени.

„Културниот стил се среќава со метаверзумот, оживувајќи ја футуристичката визија за естетиката на брендот, каде што безвременските материјали се спојуваат со современите текстури“, стои во нивниот опис на официјалната веб-страница на „Долче & Габана“.

Иако љубителите на високата мода се импресионирани од нив и тие се продаваат навистина бргу, корисниците на социјалните медиуми немаат најдобро мислење за овие патики и веќе се пишуваат голем број шеговити и саркастични коментари за нив.