Иако се чинеше дека поранешниот менаџер на Ливерпул, Стивен Џерард, е главен кандидат за да се врати на клупата на Глазгов Ренџерс, британските медиуми сега откриваат дека во игра е и Славен Билиќ.

Според новинарот Алан Никсон, управата на Ренџерс ќе ја искористи репрезентативната пауза за да го избере наследникот на отпуштениот Расел Мартин, а токму Билиќ бил предложен од личност блиска до клубот.

Поранешниот селектор на Хрватска, кој последно го водеше Ал Фатех во Саудиска Арабија, е без ангажман повеќе од една година, но е подготвен за нов предизвик. Наводно, Билиќ е заинтересиран да го преземе шкотскиот великан и повторно да се врати во англиското говорно подрачје, каде што веќе има искуство со Вест Хем и Вест Бромвич.

Покрај Џерард и Билиќ, како можен кандидат се споменува и Кевин Мускат.

Ренџерс по седум одиграни кола е само осми на табелата со осум бодови – дури единаесет помалку од лидерот Хартс и девет зад шампионот Селтик, па управата е решена да направи радикални промени.