Годинашната 26. „Златна бубамара на популарноста“ ќе се одржи на 16 март во арената „Борис Трајковски“, а организаторите од радио „Бубамара“ најавуваат незаборавна тричасовна претстава.

Под мотото „Да наполниме батерии во скапа тарифа“, омилената манифестација на македонската публика ќе направи пресек на годинашната креативна продукција, сатирично ќе раскаже за изминатата година и ќе ги награди најголемите уметници од Македонија и регионот.

„Во ова време на енергетска, инфлациска, морална и духовна криза, ‘Златна бубамара’ повикува да се забавуваме во музички ефикасна тарифа и да се арчиме за убаво расположение“, велат од радио „Бубамара“.

Годинашните добитници на почесната награда за животно дело ќе отиде во рацете на братскиот тандем Миле и Ѓорѓи Барбаровски, кои ги напишаа некои од најубавите песни во антологијата на македонската народна музика.

Билетите ќе бидат пуштени во онлајн продажба на 23 февруари, во 12 часот, преку сервисот на karti.com.mk и mktickets.mk и во Розе Веро 2.

ВИДЕО | Ранко Петровиќ ексклузивно открива: „Златна бубамара на популарноста“ годинава ќе се одржи на 16 март