Кошаркарите на ТФТ се поразени и во вториот натпревар во втората фаза во БИБЛ лигата откако вечерва на домашен терен загубија од израелскиот Макаби Хаифа со 73:93.

Кошаркарите на Боро Смилковски одиграа одлични први десет минути кога имаа предност од девет поени (25:16), но на одмор заминаа со негатива од два поени (38:40). Израелците во третата четвртина заиграа далеку поквалитетно и поведоа со двоцифрена предност (55:66) по што немаа проблеми во последните 10 минути, да ја одржуваат предноста до крајот на натпреварот за конечни 73:93.

Ова беше четвртиот пораз за скопската екипа во вториот дел од сезоната во БИБЛ лигата кој ги оддалечи од позициите кои водат во плеј-офот. Им остануваат уште два натпревари на избраниците на тренерот Боро Смилковски да стигнат макар до еден триумф и во оваа фаза од балканското натпреварување.

На овој натпревар, Николов беше прв стрелец на ТФТ со 21. поен, додека Смит даде 14 поени.