Режисерот Џеф Баена, сопруг на Обри Плаза, ѕвездата од серијата „Белиот лотос“ беше пронајден мртов во својот дом во Лос Анџелес, а сега патологот ја откри и причината за смртта.

Светот остана шокиран од веста дека режисерот се самоубил во куќата во Лос Анџелес во која живеел со Обри. Имено, патологот од округот Лос Анџелес објави дека причината за смртта на 47-годишниот режисер е самоубиство со бесење, пишува „Дејли мејл“.

„Направивме преглед, неговото тело може да го преземе семејството, но ќе продолжиме да го третираме случајот како отворен“, се вели во изјавата на патологот.

Безживотното тело на режисерот го пронашол помошник во куќата што Баена и Плаза кои ја купиле во 2022 година, а полицајците одговориле на пријавата во 10 часот и 25 минути, потврдиле за „Дејли мејл“ од противпожарната служба на Лос Анџелес.

„Одговоривме на повик за смртен случај во блокот 2100 на Ферн Дејл Плејс. Полицајците одговорија на пријавата за починат маж“, изјавиле од полицискиот оддел во Лос Анџелес.

Режисерот на филмот „Животот по Бет“ (Life After Bet) бил прогласен за мртов на местото на настанот.

Инаку, Баена дипломирал режија на Универзитетот во Њујорк, а кариерата ја започнал кога се преселил во Лос Анџелес. Режирал бројни филмови како „Мали сати“, „Живот по облог“ и „Јоши“. Неговата сопруга Обри Плаза, со која се ожени во 2021 година, глумеше во филмот „Мали сати“.

Засега актерката не се огласила за смртта на нејзиниот сопруг.

На 47 годии: Сопругот на актерката Обри Плаза пронајден мртов во својот дом