Пред финалето на Светското првенство во центарот на вниманието е и Карим Бензема, се шпекулираше дека Бензема можеби ќе биде во составот, но тоа стана јасно дека нема да има ништо од тоа.

Бензема на крајот добил покана да биде барем на трибините и тоа од претседателот Макрон кој испратил понуда да допатува со авион. „RMC“ објави дека Макрон бил спремен да испрати приватен авион затоа што сакал официјално најдобриот играч во светот да биде вечерва на стадионот во „Лусаил“.  Одговорот на Бензема бил дека не сака да оди во Доха.

Пред почетокот на првенството беше објавено дека Бензема не е во составот поради повреда, меѓутоа очигледно е дека само повредата не е прашање. Подоцна напаѓачот се врати на терените и одигра контролен натпревар за Реал Мадрид, можеше Дешамп да смета на него и за полуфиналето, но не се одлучи да го повика.

Финалето помеѓу Франција и Аргентина започнува од 16:00 часот и според информациите за Бензема следува медал затоа што Дешамп не повика негова замена и напаѓачот остана на списокот во ФИФА.