Бени Бланко: Се молам секој ден да имам дете
Бени Бланко и Селена Гомез можеби ги кријат своите планови за свадба, но продуцентот не ја крие својата желба да стане татко. Во неодамнешно интервју за „ИнСтајл“ (InStyle), Бени рече дека веќе размислува за основање семејство.
Препорачано
„Ги сакам децата, сакам да бидам чичко. Сакам да бидам татко, ако даде Бог“, рече тој. „Сонувам и се молам секој ден.“
Гомез претходно отворено зборуваше за тоа дека не може да има свое дете поради здравствени компликации. Во интервју за „Венити фер“, таа откри: „Никогаш не сум го кажала ова, но за жал не можам да имам свои деца. Имам многу здравствени проблеми што би го загрозиле мојот живот и животот на бебето. Морав да го преболам тоа.“
View this post on Instagram
Селена, исто така, живее со лупус, автоимуна болест што доведе до трансплантација на бубрег во 2017 година, како и со биполарно растројство, кое го контролира со лекови. Уште во 2022 година, таа изјави за „Ролинг Стоун“ дека лековите што ги зема можат да ја направат бременоста ризична, но нејзиниот сон да стане мајка не се променил. „Јас сум една од тие луѓе“, рече таа за желбата за деца.
„Возбудена сум бидејќи размислувам какво ќе биде тоа патување, но ќе биде малку поинакво“, додаде таа. „На крајот на краиштата, не ми е гајле, тоа ќе биде мое дете. Ќе биде мое бебе.“
Посвојувањето и сурогат мајчинството се исто така опции што ги разгледува – нејзината мајка била посвоена, а таа го нарече тоа благослов во нивното семејство.
View this post on Instagram
Што и да се случи, тие имаат совршено место за да ја започнат својата мала заедница. Двојката веќе потроши 35 милиони долари претходно оваа година за раскошна вила во шпански стил во Беверли Хилс, која Бени вредно ја полни со „креативност и срце“. „Сакам да си направам своја куќа“, рече тој. „Мразам кога ќе влезеш во нечија куќа и ќе помислиш: „Леле, изгледа како никој да не живее тука!“ Не сакам да се плашам да седнам на нешто.“
Во истото интервју, Бланко ја пофали својата мајка за тоа што му помогнала да стане партнер кој ги разбира женските емоции. „Мајка ми секогаш одвојуваше време да ми објасни како функционира женскиот ум бидејќи таа поминала низ многу трауми од врската додека јас растев“, рече тој.
ФОТО | Селена Гомез и Бени Бланко се свршија: „Нашето засекогаш започнува сега“
Селена Гомез за свадбата со Бени Бланко: Знам кој ќе ми го одржи говорот
