Бен Афлек даде малку необична изјава додека го промовираше филмот „Сметководител 2“ (Accountant 2). Актерот призна дека се поврзува со неговиот лик Кристијан Волф, на кој флертувањето не му е баш силна страна.

„Имате лик кој сака да има врска со жена и се обидува да сфати како да го направи тоа, како да се вклучи во играта. Тој навистина не знае да флертува и не му е удобно со тоа – како и на повеќето од нас“, рекол Афлек, пишува „Пејџ сикс“.

„Никому не му е лесно да се снајде во врските, особено на почетокот кога се обидувате да процените нечии сигнали. „Што значи тоа? Дали оваа личност ме гледа? Дали ѝ се допаѓам?“, опиша тој и додаде дека понекогаш е лесно да се засрамите себеси во такви ситуации.

Да потсетиме, Афлек и Џенифер Лопез официјално се разведоа на 21 февруари. Според судските документи, судијата на Врховниот суд во Лос Анџелес го одобрил нивниот спогодбен развод на 6 јануари, шест месеци откако пејачката поднесе барање за развод. Двојката постигна договор со посредство уште во септември, со што избегна долга судска битка.

Тој рече за самото раскинување: „Луѓето честопати сакаат да ја пронајдат основната причина или некоја драма во раскинувањето. Но, искрено, вистината е многу поприземна, обична и можеби помалку интересна отколку што луѓето би очекувале. Нема скандал, нема сапунска опера, нема интриги. Кога некој ќе ве праша, „еј, што се случило“, всушност нема конкретен одговор. Тоа е само приказна за двајца луѓе кои се обидуваат да се пронајдате себе и нивниот однос“.