Претседателот на Белорусија, Александар Лукашенко ја предводи „злобната операција за исфрлање на критичарите“ и граѓанското општество, предупредуваат групите за човекови права. Новинарката Алеиса Иванова во интервју за Гардијан вели дека секое утро се буди незнаејќи кој ќе тропне на нејзината врата.

„Знам дека можам да бидам следната. Се будам и си велам можеби денеска, можеби утре, а можеби и попладне ќе дојдат по мене“ вели Иванова.

Новинарите кои пишуваат за политиките на Лукашенко, се постојано под притисоци. Спорен Иванова од јули во Белорусија постои државно уништување на граѓанското општество и на слободите на медиумите.

Меѓу 14-ти и 16-ти јули биле извршени претреси во домови на повеќе од 60 активисти. Минатиот месец повеќе од 30 новинари, активисти и блогери биле притворени. Повеќе од 46 групи за човековите права и слични граѓански организации биле затворени.

Во моментот најактуелен е случајот со белоруската атлетичарка, Кристина Тимановскаја која побарала азил во Полска, бидејќи не сакала да се врати во Белорусија, стравувајќи за нејзиниот живот.

Минатата недела беше пронајдено телото на активистот кој исчезна во Киев.

Притисоците од страна на владата на Лукашенко врз критичарите постојано се зголемуваат.