Фантастичната Шкендија го победи ФЦСБ со 2:1 и на реваншот во Букурешт и со вкупен резултат од 3:1 се пласира во третото квалификациско коло од Лигата на шампионите.

Воедно тетовските „црвено-црни“ обезбедија најмалку групна фаза во Конференциската лига. По натпреварот, тренерот на фудбалерите на македонскиот првак Јетон Беќири беше видливо задоволен од големиот успех:

– Беше многу емотивен натпревар, но работев со играчите цела недела за да се осигурам дека ако успееме да имаме самодоверба, храброст и да мислиме дека можеме да победиме тука, само на тој начин ќе имаме шанса да се квалификуваме и знаев дека ќе имаме свои шанси, кои за среќа ги искористивме и сме во следната рунда од Лигата на шампионите. Ова значи дека тоа е заеднички успех, на целиот клуб, почнувајќи од сопствениците кои инвестираат без престан неколку години, потоа раководството на клубот, целата администрација, играчите и навивачите на кои сакам да им се заблагодарам за нивната поддршка во Букурешт.

ВИДЕО: Шкендија испиша историја – обезбеди најмалку лигашка фаза во Конференциската лига!

Задоволен сум од пласманот понатаму, но да бидам искрен, не сум задоволен од играта. Во некои моменти во првото полувреме имавме некои проблеми во организацијата, имавме и психолошка криза, можеби и големата почит кон противникот, можеби и поради околината или навивачите, сè беше присутно. Јас сум тип кој не е задоволен од играта, но сме во моменти кога мора да го добиеме резултатот и кога ќе го добиеме резултатот, можеби сè е оправдано. Сега, да се надеваме на други натпревари за подобрување на играта. Верувам дека со обезбедувањето групи во Конференциската лига, притисокот врз играчите ќе биде помал и можеме да бидеме уште поопасни.

Мислам дека „Балистите“ се најдобрите навивачи во светот. Навивачи кои никогаш не го оставаат тимот на мира. Посебна благодарност, голема почит. А покрај „Балистите“ имаше и други навивачи кои дојдоа лично од Тетово и од Македонија, извонредна почит и за нив. Мислам дека Шкендија е неразделен пар со „Балистите“ и верувам дека тие се многу моќен дух, кој нè турка напред – изјави Беќири на прес-конференцијата по мечот во Букурешт.

Не е само спортскиот успех: Шкендија со триумфот вечерва си обезбеди и полна каса

Противник на Шкендија во третото квалификациско коло на ЛШ ќе биде Карабах од Азербејџан. Шкендија ќе биде домаќин на првиот меч на 5 август на Националната арена „Тодор Проески“ – Скопје, а возвратниот дуел ќе се игра во Баку на 12 август.

– Дефинитивно мора да го почитуваме нашиот следен противник, а тоа е тимот на Карабах. Тоа е многу сериозен и многу организиран тим, исто како ФЦСБ. За мене и моите играчи, важно е да дадеме сè од себе, да го почитуваме дресот што го носиме, а потоа да дозволиме теренот да го покаже резултатот – рече Беќири.