Ракометарите на Барселона очекувано обезбедија пласман на завршниот турнир во Лигата на шампионите кој ќе се игра во Келн.
Каталонскиот тим и во двата натпревари ја оправда улогата на фаворит против Брест Мешков, а во реваншот кој се играше во Барселона славеше со убедливи 40:28. Мортенсен со седум гола беше најпрецизен кај Барселона, а одлична партија прикажаа уште и Гомез Абело со шест гола и Јанц и Дика Мем со по пет голови. Во тимот на Брест Мешков, Ваилупау беше најпрецизен со седум гола.
Барселона им се приклучи на Алборг и француските Нант и ПСЖ кои на Ф4 турнирот во Келн ќе се борат за титулата во Лигата на шампионите.