Неколку шпански и италијански клубови покажуваат интерес за македонскиот репрезентативец Енис Барди, пренесуваат турските медиуми.

Барди моментно ги брани боите на Трабзонспор чие раководство овој период ги следи евентуалните понуди за нашиот играч.

Трабзонспор веќе се раздели со тројца фудбалери со цел да го намали буџетот за плати, а овој број се очекува дополнително да се зголеми. Воедно и се дојде до приход, особено од продажба на 1-2 играчи, а едно од овие имиња е Енис Барди.

Нашиот репрезентативец кој на почетокот од сезоната за три милиони евра се пресели во Турција од Леванте, не можеше да го покаже очекуваниот учинок.

За Барди се заинтересирани неколку клубови од Шпанија и Италија. Изворот пишува дека Мајорка која настапуваа оваа сезона во шпанската „Ла Лига“ е еден од тие тимови.

Раководството на Трабзонспор ќе ги разгледа идните официјални понуди. Очекувањата се да имаат приход од најмалку три милиони евра, колку што беше платено за Барди.