Кога бев помала, ми беше интересно и необјасниво како секогаш во сите филмови во кои има неидентификуван летечки објект, вонземјани, некои форми во полиња со пченка, некаква „необјаснива“ посета од „таму горе“, речиси секогаш тоа беа некои места на подрачје на САД.

Постојат снимки од летечки објекти кои не можеме да ги објасниме, а ете не се на филм. Но, не само што не ни се јасни, тие се и извор на многу теории на заговор… Но, и политичка сензација. Барак Обама, поранешниот претседател на Америка, минатата година токму на оваа тема се изјасни дека не смее јавно да зборува.

Зошто е тоа така?

Еден американски новинар, Џон Гринвалд на својот Твитер профил објави преписка со претседателската библиотека, затоа што прашал дали во склоп на документите за НЛО и дали има вонземјани, добил одговор дека поранешниот претседател Обама поседува околу 26 илјади датотеки со податоци  поврзани со можните контакти со вонземјани, како и напишани извештаи од преку 3000 страници!

Оваа бројка го шокирала. Особено затоа што му се наведени податоци само за документи кои не се строга тајна. Неговото барање за пристап до документите е ставен на листа на чекање, а кога ќе дојде на ред, којзнае колку време ќе му треба да го прегледа сиот тој материјал.

Jackpot.

The Obama Presidential Library just informed me they have approximately 3,440 pages and 26,271 electronic files that pertain to my request for #AATIP / #UFO / #UAP and #AAWSAP information.

If true, I am absolutely floored the Obama Presidential library has that. pic.twitter.com/Iybgq69L2y

— John Greenewald, Jr. (@blackvaultcom) March 10, 2022

Се смета дека тие документи можеби нема да бидат ништо посебно – можеби се само протоколарни нешта за она што веќе знаеме, изјавија од американските медиуми.

Но, постои и шанса во нив да има и нешто поинакво. Особено затоа што и самиот Барак Обама призна во една прилика дека вонземјаните постојат.

„Имаме видео снимки од летечки објекти за кои не можеме да потврдиме што се точно. Нивното движење е необјасниво. А кога сме на темата вонземјани, постојат нешта за кои не можеме да зборуваме“ – изјави Обама во интервју во 2021.

Многу корисници на социјалните мрежи пробуваат да го убедат Обама јавно да каже што знае за „чудните суштества“ во вселената. Особено затоа што американското биро за национална безбедност, неодамна објави како вознемјаните наскоро ќе не’ посетат..