Бакингамската палата и кралицата се огласија по интервјуто со Опра: „Разговорот со Хари и Меган ќе продолжи зад затворени врати“
Прашањето за расизам што го покренаа Меган Маркл и принцот Хари во интервју со водителката Опра Винфри е „загрижувачко“, членовите на кралското семејство ќе разговараат „зад затворени врати“, а јавноста ќе биде исклучена, се вели во соопштението од Бакингамската палата, а пренесува „Mirror“.
Препорачано
Во соопштението од Бакингамската палата се вели дека „целото семејство е тажно кога дознале за сите предизвици на кои биле изложени Меган и Хари во годините кога биле дел од кралското семејство“.
View this post on Instagram
„Покренатите теми, особено расизмот, се загрижувачки. И иако некои сеќавања може да се разликуваат, тие сепак се сфаќаат многу сериозно и семејството ќе се справи со нив без влијание на јавноста. Хари, Меган и Арчи секогаш ќе бидат сакани членови на семејството“, стои во официјалното соопштение.
Според зборовите на извор близок до палатата: „Во срцето на сето ова е семејството. Треба да им се даде можност да разговараат за прашањата што беа отворени, но приватно, како семејство“, изјавил извор запознаен со настаните во палатата.
View this post on Instagram
Бакингемската палата и членовите наводно, останале „парализирани“ откако принцот Хари „фрлил атомска бомба врз неговото семејство“. Кралицата Елизабета Втора (94), принцот Чарлс (72) и принцот Вилијам (38) наводно се заклучиле во одаите и размислувале како соодветно да реагираат на низата обвинувања изнесени за време на интервјуто.
View this post on Instagram
Оние кои се запознаени со настаните во палатата, велат дека во моментов внатре владее „големата тага и дека кралското семејство е во шок“, бидејќи принцот Хари „го нападнал своето семејство“ .
View this post on Instagram
Во интервјуто емитувано доцна во неделата навечер, Меган и Хари обвинија, меѓу другото, неименуван член на кралското семејство за расизам, бидејќи тој наводно ги прашал колку ќе биде темна кожата на малиот Арчи. Меган зборуваше и за тоа како сакала да си го одземе животот, а притоа наведе дека ѝ била одземена слободата.
