Претседателот на САД Џо Бајден го посети Балтимор, местото на уривањето на мостот Френсис Скот Ки, каде загинаа шестмина откако товарен брод удри во мостот. Оваа несреќа се очекува да има големо влијание врз економијата на пристаништето во источното крајбрежје. Поради тоа Бајден вети целосна поддршка на федералната влада за заживување на пристаништето.

Белата куќа соопшти дека Бајден направил воздушна обиколка на остатоците од мостот и „со своите изјави ја потврдил својата посветеност за поддршка на жителите на Балтимор.

Претседателот на САД се сретнал и со најблиските на жртвите од уривањето на мостот.

„Бајден се појави заедно со секретарот за транспорт Пит Бутиџиг, гувернерот на Мериленд Вес Мур и други претставници на Мериленд и Балтимор. Бајден за уривањето на мостот, рече: „Жителите на Балтимор може да сметаат на нас“. „Како што рече претседателот неколку часа по колапсот, актуелната администрација ќе биде со граѓаните на Балтимор на секој чекор“, соопшти Белата куќа.