Баварскиот гигант после освојувањето на европската, денеска од 19.00 часот ќе ја брка и светската титула во финалната битка против Тигрес од Мексико.

Претходно во борбата за третата позиција на Светското клупско првенство од 16.00 часот Ал Ахли од Египет ќе се соочи со бразилскиот Палмеираш.

Тренерот на Баерн Минхен, Ханси Флик повторно има проблеми со заразени играчи на коронавирус и поради тоа не може да го состави најсилниот тим.

После вчерашниот тренинг еден од клучните играчи на германската екипа позитивно тестиран на ковид-19 е Томас Милер.

Сезонава Милер има учинок од 13 голови и 14 асистенции, па така нема сомнение дека задачата на Баварците во борбата за шестата титула во последните неколку месеци ќе биде нешто потешка. Се очекува Милер да го пропушти и бундеслигашкиот меч со Арминија в понеделник.