Денеска македонскиот репрезентативец во бокс, во полуфиналето Ардијан Аземи во категоријата до 91 килограм ги одмери силите против Русинот Владислав Комаров.

Нашиот натпреварувач во една рамноправна борба со судиска одлука 2-3 беше поразен во битката за настап во финалето и на крајот го освои бронзениот медал.

Претходно Аземи во текот на Европското првенство (јуниори 17 и 18 години) во Будва со едногласна одлука на судиите го победи Јакуб Стражевски од Полска во првото коло, а потоа беше подобар и од Хрватот Гацина Дује.

Пред 25 години успеавме да се закитиме со првиот медал на евро шампионатите, тогаш Примислав Димовски се искачи на победничкиот подиум на ЕП за млади во Турција.

А потоа имавме и медал на ЕП во сениорска конкуренција пред 12 години.