Австриски 53-годишен пожарникар е повреден при гаснењето на огнената стихија во Малешевијата, објави Дојче Веле.

– Пожарникарот има скршен пршлен и посериозни повреди со коишто се здобил вчера при акцијата за гаснење на пожарите во беровскиот регион. Пожарникарот е во стабилна состојба, пружена му е помош и е хоспитализиран на Клиниката за трауматологија во Скопје. Се прават напори да се обезбеди негов итен транспорт за Виена, вели во изјава за ДВ директорот на Дирекцијата за заштита и спасување, Беким Максути.

Пожарникарите од Австрија се придружувани и од два лекарски тима, коишто веднаш му укажале помош на повредениот, по што му била пружена помош и од македонските лекари.

– Нема оштетување на нервите, нема потреба од операција. Засега препораката е да мирува, вели Масути по посетата на пожарникарот во болница.

[sc name=”dw” ][/sc]