Директорот на Австралија Опен, Крег Тили, гостувајки во емисијата „9News Melbourne“ го изнесе сопственото мислење за целата ситуација и смета дека никој не е виновен за ситуацијата во која се најде Новак Ѓоковиќ, но во интервјуата кои ги даде за весниците „The Age“ и „ Sydney Morning Herald“ зборува нешто друго и вината ја префрла на австралиската влада.

Тили потврди дека Тениската федерација на Австралија (ТА) побарала од федералната влада и министерството за внатрешни работи да ги провери сите визи кои се одобрени на основ на медицинско изземање неколку дена пред доаѓањето на тенисерите и тенисерките, но тоа барање било одбиено.

ТА и сојузната влада на Викторија одобрија неколку медицински изземања за тенисери и тенисерки така што ги почитувале правилата на Владата, но кога од истата побарале да провери дали е се во ред, државата ги одбила.

-Не одбија. Ги замоливме да ги прегледаат сите наши одлуки, нагласивме дека потребна ни е нивна помош за да бидеме сигурно дека постапуваме исправно и ја правиме вистинската работа. Сево ова денеска што се случува можеше да биде избегнато – изјави Тили кој потоа го презентира одговорот од федералната влада.

„Министерствата за здравство и за  внатрешни работи не се во можност да обезбедат преглед на сертификатите. Тие се прегледуваат за време на чекирањето, сите патници кои сакаат да се сметаат за целосно вакцинирани мора да обезбедат сертификат кој ги исполнува наведените барања. Патниците мора да обезбедат дека нивниот сертификат е во согласност со нашите барања“, стои во дописот од федералната влада до ТА.

Директорот на Австралија Опен бил во постојан контакт со Новак Ѓоковиќ за време на процесот на одобрување на неговата виза и документација и вели дека никој не можел да насети дека вакво нешто ќе се случи.
– Бев шокиран – вели Тили кој вели дека не може да влијае на постојаното менување на правилата.