Десетина домови во текот на ноќта се уништени на југоистокот на Австралоја, но опасноста од пожари сега е помала во сојузната држава Нов Јужен Велс и околу гралниот град Канбера.

Официјалните лица соопштија дека регионот Бега Вели Шајр на 240 километри јужно од Канбера треба да биде проценет од противпожарната служба на Нов Јужен Велс.

– На ова место се уништени уште домови, на десетина луѓе. Сакаме тоа да го утврдиме за да можеме да продолжиме да ја поддржуваме нашата заедница. Овој пожар се уште не е завршен – рече претставничка на советот од ова место.

Портапролот на противпожарната служба Грег Алан рече дека тимовите ја проценуваат штетата и дека во следниот период треба ги потврдат медиумските извештаи за униптени куќи во близина на селото Бумбалонг, 92 километри јужно од Канбера.

До денес изгореа 55.000 хектари шума и обработливо земјиште во овој регион, во должина од 148 километри, соопште Австралиската агенција за вонредни служби за главниот град.

– Огнот е се уште активен. Пред нас се денови и веројатно недели за гаснење на пожари – велат надлежните.

Луѓето кои живеат во близина на местата кадешто пустошат пожарите се предупредени да бидат многу внимателни, а вонредната состојба се уште е на сила. Пожарите кои беснеат ширум јужна Австралија однесоа најмалку 33 животи од септември, а уништени се повеќе од 3.000 домови и опустошени се повеќе од 10,6 милиони хектари земја.