Шеесетгодишниот грчки државјанин Артемиос Минцас е обвинет за 25 кривични дела, вклучително и обид за убиство, по инцидентот со пукање што се случи во неделата вечерта во Кројдон Парк, во западните предградија на Сиднеј.

Според „Неос Космос“ , областа била опколена околу два часа по пријавите за вооружен човек на патот Џорџ Ривер, во близина на улицата Брајтон. Полицијата на Нов Јужен Велс ја опиша операцијата како „исклучително опасна“.

Според властите, Минцас наводно испукал до 50 истрели, „случајно и неселективно“, од прозорецот на стан над комерцијална продавница, погодувајќи 13 возила и автобуска постојка.

Брзата помош на Нов Јужен Велс им пружила помош на 16 луѓе со полесни повреди, додека двајца мажи биле однесени во болница; еден бил подложен на итна операција откако се здобил со повреди на вратот и градите.

@7newsaustralia Artemios Mintzas, who allegedly opened fire from a Croydon Park apartment in Sydney's inner west, injuring dozens, has been charged with 25 offences relating to the shooting. #court #crime #charged #sydney #croydonpark ♬ original sound – 7NEWS Australia

Околу 21:30 часот, специјалните полициски сили извршиле рација во станот и го уапсиле Минцас, запленувајќи пиштол калибар 30 и муниција. Човекот бил однесен во болница под полициска придружба, поради повреда на око, пред да биде вратен во полициската станица Бурвуд.

Тој беше обвинет за обид за убиство во понеделник вечерта, како и за кривични дела поврзани со незаконско поседување огнено оружје, јавно пукање и отпор при апсење.

A 60-year-old man was arrested after allegedly indiscriminately firing 50 to 100 shots at passersby in the inner-west Sydney suburb of Croydon Park on Sunday: media reports pic.twitter.com/THrpkaakL4

— Global Times (@globaltimesnews) October 6, 2025

Минцас се појави денеска во локалниот суд во Бурвуд. Му беше одбиено ослободување со кауција.

I'm at the scene in Croydon Park where last night and active shooter allegedly fired up to 100 bullets down into the street below. It caused the suburb to be locked down. 16 people treated at the scene, one person fighting for life in hospital. Details on @SkyNewsAust pic.twitter.com/TmT6gIeqfj

— Kenny Heatley (@KennyHeatley) October 5, 2025

Полицијата соопшти дека нема докази за врски со организиран криминал или терористички групи, ниту пак историја на проблеми со менталното здравје.

„Тој е 60-годишен маж со две деца и многу малку контакт со полицијата во последните 20 години“, рече полицаецот Стивен Пари.

Според информациите од ABC News, Минцас работи за Sydney Trains.

Истрагите продолжуваат од страна на специјалниот тим на „Страјк Форс Корнвуд“, кој ги испитува причините и околностите на инцидентот што ја шокираше локалната заедница.

ВИДЕО | Трилер во Сиднеј: Маж со пушка пукал низ прозорец кон минувачи, десетици се повредени