Возачот на „Алфа Таури“, Пјер гасли е победник на денешната трка за Големата награда на Италија во Монца откако после неверојатни перформанси беше подобар од своите конкуренти.

Французинот го забележа првиот триумф во кариерата и по вторпат е во Топ 3 во неверојатната трка во Италија, една од највозбудливите во последните години во Формула 1 шампионатот.

How our drivers crossed the line in an unforgettable race at Monza!#ItalianGP ?? #F1 pic.twitter.com/NX8Vu3hImu

— Formula 1 (@F1) September 6, 2020

На тој начин стана 109 победник во историјата на Формула 1, а 13 Французин кој се најде на врвот на победнички подиум. Последната победа под француско знаме беше запишана уште во далечната 1996 година од Оливие Пани за ГН Монако.

На второто место се најде Карлос Сајнс од „Мекларен“, а на третото Ленс Строл од редовите на „Рејсинг Поинт“. Актуелниот светски Ф1 шампион Луис Хамилтон ја имаше пол позицијата, но на крајот заврши како седмопласиран.

Британецот доби казна од 10 секунди, бидејќи влезе во „бокс“ во текот на безбедносното возило и се најде дури на последната позиција, по што мораше да ги брка местата кои барем донесуваат бодови.

Во генералниот пласман кај возачите и натаму убедливо води Хамилтон со моментно 164 бодови, пред Валтери Ботас (петтопласиран во Монца) со 117 бодови, а Макс Ферстапен кој се откажа од трката е на третата позиција со 110.

Тежок инцидент на легендарната патека во Италија (ВИДЕО)