Од денеска до 11 јули во Талин ќе се одржи Европското првенство до 23 години во атлетика, а Македонија ќе има двајца претставници.

Естонскиот главен град ќе биде во центарот на вниманието на атлетските случувања во Европа, главната база ќе биде Кадриорг Стадионот.

Од нашите натпреварувачи, Сенад Рамадани (20) е пријавен на две трки, првата ја имаше денеска, односно беше дел од третата група на 400 метри каде што го освои последното седмо место со време 51,82 секунди, а победник на трка беше Украинецот Олександр Похорилко (46,45 секунди).

Утре Рамадани со почеток во 12.40 часот ќе се натпреварува и на 200 метри.

Во Талин е и Леонид Вандески, неговата трка е закажана за 9 јули во 16.05 часот, ќе се натпреварува на 3.000 метри стиплчес.

Распоредот од сите трки на Европското првенство во Талин можете да го видите на следниот линк ТУКА

Додека пак стриминг од трките можете да гледате на следниот линк ТУКА

РАСПОРЕД

8. ЈУЛИ/10:40 ЧАСОТ

Сенад Рамадани 400 метри

9. ЈУЛИ/12:40 ЧАСОТ

Сенад Рамадани 200 метри

9. ЈУЛИ/16:05 ЧАСОТ

Леонид Вандески 3.000 метри стиплчес