Основачот на Викиликс Џулијан Асанж ќе побара ослободување од Белмарш, еден од најчуваните британски затвори, за да присуствува на погребот на модната дизајнерка Вивиен Вествуд, изјави неговата сопруга.

Легендарната Вивиен Вествуд беше еден од најпознатите поддржувачи и пријатели на Џулијан Асанж повеќе од една деценија, го привлече вниманието кога се затвори во голем кафез за птици како поддршка на основачот на Викиликс.

Вивиен Вествуд почина во четвртокот во Лондон на 81-годишна возраст.

Асанж води правна битка против екстрадицијата во САД поради обвиненијата дека објавил илјадници доверливи документи во 2010 и 2011 година.

Неговата сопруга Стела Морис Асанж за австралиските медиуми изјави дека Вивиен Вествуд е „незаменлива“.

„Таа беше прекрасна пријателка, лојална поддржувачка и нејзината смрт е огромна загуба“, рекла Стела Асанж.

Запрашана дали ќе го претставува својот сопруг на погребот, Стела Асанж рекла дека „Џулијан ќе испрати барање да присуствува“.

Алан Селби, портпаролот на затворот, изјави за „Би-би-си“ дека е малку веројатно молбата да биде одобрена, бидејќи таквите барања се прифаќаат само за погребите на блиски роднини.

Меѓутоа, не постои забрана, а на управата на затворот е да донесува одлуки од случај до случај, објаснил Селби.

Во документот со кој се регулираат ваквите одлуки се наведува дека одобрувањето на барањето зависи од „безбедносната ситуација“.

Сѐ уште не е објавено кога Вествуд ќе биде погребана.

Stella Moris and her two sons arrive at HMP Belmarsh for her wedding ceremony to WikiLeaks founder Julian Assange, who is detained in prison while the legal process relating to his extradition to the US continues in British courts.

? by Assange supporter Vivienne Westwood. pic.twitter.com/QJ4oaDWciO

— Latika M Bourke (@latikambourke) March 23, 2022

Модната дизајнерка стекна светска слава со нејзиниот контроверзен панк и њу вејв стил во доцните 1970-ти. Таа креираше облека за многу светски ѕвезди.

Асанж ја опишуваше Вествуд како „темел на анти-естаблишментот“, пренесе неговата сопруга.

Тој им оддаде почит на креативноста и пријателството, велејќи дека „ќе му недостига толку многу, како и на многумина“.

Една од најпознатите фотографии на Вествуд во кафезот пред судот во Лондон во 2020 година се најде на насловните страници на светските медиуми.

“I am Julian Assange, I am the canary in the cage.” – Vivienne Westwoodhttps://t.co/lGDxFACACi pic.twitter.com/mFkCndAZBE

— Vivienne Westwood (@FollowWestwood) July 21, 2020

Вествуд го осуди притворот одреден за Асанж, опишувајќи го како „местенка“ и водеше протести за негово ослободување.

Вивиен Вествуд, исто така, ја дизајнираше и венчаницата што ја носеше Стела Асанж на свадбената церемонија во затворот Белмарш на почетокот на 2022 година. Вествуд го дизајнираше и килтот за Асанж, кој има шкотско потекло, за свадбената церемониа во затворот.

Пријателството со Асанж е повеќепати докажано со бројните посети на Вивиен Вествуд на основачот на Викиликс во амбасадата на Еквадор во Лондон, каде што живееше седум години.

Почина модната дизајнерка Вивиен Вествуд

Вивиен Вествуд: Бунтовничка која направи револуција во модата

Жената која му роди две деца на Асанж отворено проговори за нивната голгота (ФОТО+ВИДЕО)

Жената која му роди две деца на Асанж отворено проговори за нивната голгота (ФОТО+ВИДЕО)