Во летниот преоден рок кој следи во редовите на Реал Мадрид ќе има промени во играчкиот кадар, а според последните информации едно од можните засилувања за „кралевите“ е македонскиот репрезентативен голман, Столе Димитриевски.

Андреј Лунин, 24-годишниот украински голман не сака повеќе да биде резерва на Тибо Куртоа и како што стојат работите нема да го продолжи договорот.

Шпански „АС“ кој е со седиште во Мадрид пренесува дека помеѓу опциите кои Реал ги разгледува е и Димитриевски. Договорот на македонскиот голман со Рајо Ваљекано истекува следното лето и тоа значи дека Реал не би платил премногу.

Зад себе Димитриевски има одлична сезона и статистички беше помеѓу најдобрите голмани во лигата, па интересот од Мадрид и не е преголемо изненадување. Димитриевски во минатото беше блиску до преселба во Барселона исто така за позицијата резервен голман, но тогаш бразилскиот голман Нето одби да замине и трансферот пропадна, иако изгледаше како завршена работа.

Димитриевски не е единствена опција, покрај него во игра е и Даввид Сорија од Гетафе.