Тренерот на фудбалерите на Арсенал, Микел Артета, изјави дека е многу горд на своите играчи откако стигнаа до полуфиналето на Лигата на шампионите поради амбицијата, храброста и желбата што ја покажаа во реваншот од четвртфиналето против Реал Мадрид.

– Многу сум среќен, мислам дека ова се случува трет пат во нашата историја, па затоа морам да бидам многу горд што повторно сум таму. Тимот покажа извонредна амбиција, храброст и желба да се натпреварува со секој противник. Не е само тоа што сме тука, туку и начинот на кој го направивме тоа, и во Лондон и во Мадрид, па затоа сум многу горд на играчите – рече Артета, како што објави веб-страницата на англискиот клуб.

Артета додаде дека неговиот тим, и покрај тешкотиите, успева да пружи добри игри против секој противник.

– Мислам дека ова го покажува капацитетот на тимот, дека можеме да се натпреваруваме против кој било противник кога играме најдобро што можеме. Особено со оглед на тешкотиите и многуте играчи кои дури и не биле тука. Мислам дека начинот на кој го правиме ова е посебен – вели Артета.

Арсенал ќе игра против Пари Сен Жермен во полуфиналето на ЛШ, откако Французите ја елиминираа Астон Вила со вкупен резултат од 5:4.