Градоначалничката на Град Скопје, Данела Арсовска го посети градот Бања Лука, на покана на градоначалникот Драшко Станивуковиќ, на која се поведе иницијатива за збратимување на двата града.

Како што информираат од Град Скопје, на средбата се дискутирало за повеќе теми за меѓусебна соработка на двата града, размена на искуства, како и отпочнување конкретна соработка.

Градот Бања Лука е економски, политички и културен центар на Република Српска, и постои огромен потенцијал за развој на трговската размена и економијата, за што Скопје и Бања Лука поведоа иницијатива за збратимување на двата града. Воедно, се договори соодветна динамика што води кон конкретна соработка за имплементација на проекти кои се од заемен интерес на двата града, во областа на културата, образованието, спортот, туризмот, економијата и животната средина, се вели во соопштението.