Жалиме што Државната комисија за спречување на корупција наместо да се занимава со она што е нивна надлежност и да констатира корупција, се занимава со тривијалности и исполнување на политички агенди, реагираат од Град Скопје откако Државната комисија за спречување на корупција ги оцени како незаконски назначувањата на в.д. директорите на МКЦ и на Зоолошка градина и  донесе одлука да поведување кривична постапка против градоначалничката на Скопје Данела Арсовска.

Градоначалничката,  за в.д. директори на на МКЦ и на ЗОО именувала лица кои не биле вработени во овие јавни установи што е спротивно на чл. 31 од Законот за култура кој предвидува именување на в.д. директори од редот на вработените во тие установи и со мандат од само 6 месеци.

– Секако, за барање на корупција онаму каде што навистина постои сомнеж треба и храброст. Одлика, која за жал не ги краси членовите на Антикорупциската комисија. Добро е сепак што ДКСК поднеле кривична пријава за која воопшто Град Скопје не е известен, а дознаваме од медиумите, за еднаш да се расчисти маглата која ја сеат разни политиканти. Секако, членовите на ДКСК ќе мора да ја докажат и сопствената надлежност во постапувањето по овој „предмет” пред соодветна судска инстанца – се вели во соопштението од Град Скопје.