Фудбалерот на Арсенал, Каи Хаверц ќе го пропушти остатокот од сезоната поради повреда.

Напаѓачот на Арсенал заработи повреда на тетивата за време на тренингот во кампот во Дубаи, поради што ќе ја заврши сезоната порано од очекуваното.

Сѐ уште не е познато дали на 25-годишниот германски репрезентативец ќе му биде потребна операција, но фокусот е на тренинзите за сезоната 2025/26.

Минатиот викенд не се одиграа натпревари во англиската Премиер лига, но англиските клубови се натпреваруваа во ФА Купот.

Со оглед на тоа што Арсенал беше елиминиран од Манчестер јунајтед во последното коло, тимот го искористи слободното време за да замине во Дубаи, каде имаше зимски тренинг камп.