Англискиот фудбалски клуб Арсенал бара резервен голман и тоа би можел да биде Кепа Аризабалага.

Имено, Баскиецот е сè уште најскапиот голман на сите времиња, беше позајмен во Борнмут, бранеше добро, но Челси не го сака.

Милан се распраша како дел од договорот за размена за Мењон, но „сините“ сакаат да го продадат голманот за кој му платија 80 милиони евра на Билбао во 2018 година.

Тој пред две сезони беше во Реал на позајмица, сега во Борнмут, додека во Арсенал втор голман беше Бразилецот Нето, токму од Борнмут. Нема да има откуп, ниту пак тимот од Дорсет ќе може да му плати на Кепа.

Но, Арсенал би можел. Имено, голманот би можел да се пресели од Западен Лондон на север за околу седум милиони евра, а јасно би започнал во Арсенал како замена за Раја.